Radio Haanji Podcast

Haanji Daily News, 26 Nov 2024 | Gautam Kapil | Radio Haanji

ਕੌਮਾਂਤਰੀ ਵਿਦਿਆਰਥੀਆਂ ਦੀ ਘਾਟ ਵਿੱਚ ਆਸਟ੍ਰੇਲੀਆ ਦੀਆਂ ਵੱਡੀਆਂ ਯੂਨੀਵਰਸਿਟੀਆਂ, ਕਾਲਜ ਵਿੱਤੀ ਸੰਕਟ ਵਿੱਚੋਂ ਗੁਜ਼ਰ ਰਹੀਆਂ ਹਨ। ਅਜਿਹੇ ਵਿੱਚ ਸਥਾਨਕ ਵਿਦਿਆਰਥੀਆਂ ਦੁਆਰਾ ਲਏ ਗਏ study loans ਲੰਮੇ ਸਮੇਂ ਤੋਂ ਹਾਲੇ ਤੱਕ ਬਕਾਇਆ ਪਏ ਹਨ,ਉਹ ਹੁਣ ਫੈਡਰਲ ਸਰਕਾਰ ਦੁਆਰਾ ਚੁਕਾਏ ਜਾਣ ਅਤੇ ਯੂਨੀਵਰਸਿਟੀਆਂ ਦੀ ਮਾਲੀ ਹਾਲਤ ਸੁਧਾਰਣ ਦੀ ਕੋਸ਼ਿਸ ਕੀਤੀ ਜਾਵੇਗੀ।
ਨਵੇਂ ਕਾਨੂੰਨ ਜੋ ਲੱਖਾਂ ਆਸਟ੍ਰੇਲੀਅਨਾਂ ਦੇ ਯੂਨੀਵਰਸਿਟੀ ਦੇ ਸੈਂਕੜੇ ਡਾਲਰ ਕਰਜ਼ੇ (HECS-HELP) ਮਿਟਾਉਣਗੇ, ਇਸ ਬਿਲ ਨੂੰ ਸੈਨੇਟ ਨੇ ਪਾਸ ਕਰ ਦਿੱਤਾ ਹੈ।ਨਵੇਂ ਕਾਨੂੰਨ ਮੁਤਾਬਕ ਜੇਕਰ ਕਿਸੇ ਦੀ ਪਿਛਲੇ ਸਾਲ ਦੇ ਜੂਨ ਮਹੀਨੇ ਤੋਂ ਪਹਿਲਾਂ $1200 ਡਾਲਰ ਤੱਕ ਦੀ ਕਰਜ਼ ਮਿਆਦ ਹੈ, ਤਾਂ ਉਸਨੂੰ ਖ਼ਤਮ ਕਰ ਦਿੱਤਾ ਜਾਵੇਗਾ।Labor ਪਾਰਟੀ ਦਾ ਕਹਿਣਾ ਹੈ ਕਿ ਅਗਲੇ ਸਾਲ ਦੀਆਂ ਚੋਣਾਂ ਤੋਂ ਪਹਿਲਾਂ ਉਹ ਵਿਦਿਆਰਥੀਆਂ ਦੇ 20 ਫੀਸਦ ਕਰਜ਼ੇ ਖ਼ਤਮ ਕਰ ਦੇਵੇਗੀ।

World News 27 Nov, 2024 | Ranjodh Singh | Radio Haanji

ਪਾਕਿਸਤਾਨ ਵਿੱਚ ਜੇਲ੍ਹ ਵਿੱਚ ਬੰਦ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੀ ਰਿਹਾਈ ਦੀ ਮੰਗ ਲਈ ਕੀਤੇ ਜਾ ਰਹੇ ਮੁਜ਼ਾਹਰੇ ਦੌਰਾਨ ਹਿੰਸਾ ਵਧ ਗਈ। ਇਸ ਹਿੰਸਾ ਵਿੱਚ ਪਾਕਿਸਤਾਨ ਦੇ ਫੌਜੀ ਬਲਾਂ ਦੇ ਚਾਰ ਜਵਾਨ ਅਤੇ ਦੋ ਪੁਲੀਸ ਮੁਲਾਜ਼ਮ ਮਾਰੇ ਗਏ, ਅਤੇ 100 ਤੋਂ ਵਧ ਸੁਰੱਖਿਆ ਜਵਾਨ ਜ਼ਖ਼ਮੀ ਹੋਏ। ਇਸ ਹਿੰਸਾ ਦੇ ਬਾਅਦ ਪਾਕਿਸਤਾਨ ਦੀ ਸਰਕਾਰ ਨੇ ਇਸਲਾਮਾਬਾਦ ਵਿੱਚ ਫੌਜ ਤਾਇਨਾਤ ਕਰ ਦਿੱਤੀ ਹੈ ਅਤੇ ਮੁਜ਼ਹਰਾਕਾਰੀਆਂ ਨੂੰ ਦੇਖਦਿਆਂ ਗੋਲੀ ਮਾਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਇਮਰਾਨ ਖ਼ਾਨ ਦੀ ਪਾਰਟੀ ਦੇ ਸਮਰਥਕਾਂ ਨੇ ਸੜਕਾਂ 'ਤੇ ਅੜਿੱਕੇ ਹਟਾ ਕੇ ਇਸਲਾਮਾਬਾਦ ਦੇ ਮੱਧ ਵਿੱਚ ਧਰਨਾ ਦਿੱਤਾ। ਅਮਰੀਕੀ ਵਿਦੇਸ਼ ਵਿਭਾਗ ਨੇ ਪਾਕਿਸਤਾਨੀ ਅਧਿਕਾਰੀਆਂ ਨੂੰ ਮਨੁੱਖੀ ਅਧਿਕਾਰਾਂ ਦਾ ਸਨਮਾਨ ਕਰਨ ਅਤੇ ਅਮਨ ਕਾਨੂੰਨ ਦੀ ਸਥਿਤੀ ਬਰਕਰਾਰ ਰੱਖਣ ਦੀ ਅਪੀਲ ਕੀਤੀ ਹੈ

26 Nov 2024 Laughter Therapy - Ranjodh Singh - Radio Haanji

ਅੱਜ ਦੀ ਤਣਾਅ ਭਰੀ ਜ਼ਿੰਦਗੀ ਵਿੱਚ ਅਸੀਂ ਹੱਸਣਾ ਹੀ ਭੁੱਲ ਗਏ ਹਾਂ, ਹਰ ਵੇਲੇ ਕੋਈ ਨਾ ਫ਼ਿਕਰ ਸਾਡੇ ਮੱਥੇ ਦੀ ਤਿਊੜੀ ਦੇ ਰੂਪ ਵਿੱਚ ਸਾਡੇ ਚਿਹਰੇ ਦਾ ਸ਼ਿੰਗਾਰ ਬਣੀ ਰਹਿੰਦੀ ਹੈ, ਪਰ ਵਿੱਚ ਅਸੀਂ ਇਹ ਵਾਅਦਾ ਕਰਦੇ ਹਾਂ ਕਿ ਨੰਨ੍ਹੇ-ਮੁੰਨੇ ਬੱਚਿਆਂ ਦੀਆਂ ਮਸੂਮ ਤੇ ਢਿੱਡੀਂ ਪੀੜਾਂ ਪਾਉਣ ਵਾਲੀਆਂ ਗੱਲਾਂ, ਚੁੱਟਕਲੇ, ਕਿੱਸੇ-ਕਹਾਣੀ, ਬੁਜਰਤਾਂ ਉੱਤੇ ਖੁੱਲ ਕੇ ਹੱਸਾਂਗੇ ਤੇ ਜੋ ਵੀ ਗੁੱਸੇ-ਗਿਲੇ, ਪ੍ਰੇਸ਼ਾਨੀਆਂ ਮਨ ਵਿੱਚ ਸਾਂਭੀ ਫਿਰਦੇ ਹਾਂ ਉਹਨਾਂ ਸਭ ਨੂੰ ਭੁੱਲ ਕੇ ਖੁਸ਼ੀ ਦਾ ਆਨੰਦ ਮਾਨਾਂਗੇ, ਇਸ ਸ਼ਾਨਦਾਰ ਸਫ਼ਰ ਵਿੱਚ ਗੁਰਪਾਲ ਵਾਲੀ ਮੰਨਤ, ਗੁਰਪਾਲ ਸਿੰਘ, ਫਤਹਿ ਵਾਲੀ ਮੰਨਤ, ਫਤਿਹ ਸਿੰਘ, ਮਨਰਾਜ ਐਸ ਔਜਲਾ, ਆਰਜ਼ਾ, ਜਸਮੀਨ ਕੌਰ, ਬਾਣੀ ਕੌਰ, ਅਸੀਸ ਕੌਰ, ਰੋਨੀਸ਼, ਬਸੰਤ ਲਾਲ, ਨਰਿੰਦਰ ਸਹਿਮੀ, ਰਮਨਪ੍ਰੀਤ ਜੱਸੋਵਾਲ, ਬੈਨੀਪਾਲ ਬ੍ਰਦਰਜ਼, ਸੇਹਿਬ ਸਨਵਾਰ, ਕਿਸਮਤ ਅਤੇ ਰੇਡੀਓ ਹਾਂਜੀ ਵੱਲੋਂ ਰਣਜੋਧ ਸਿੰਘ, ਨੋਨੀਆ ਪੀ ਦਿਆਲ, ਸੁੱਖ ਪਰਮਾਰ, ਜੈਸਮੀਨ ਕੌਰ ਸਾਥ ਦੇਣਗੇ ਅਤੇ ਤੁਹਾਨੂੰ ਲੈ ਜਾਣਗੇ ਖੁਸ਼ੀਆਂ ਅਤੇ ਹਾਸੇ ਦੀ ਇੱਕ ਵੱਖਰੀ ਦੁਨੀਆ ਵਿੱਚ, ਆਜੋ ਫਿਰ ਆਨੰਦ ਮਾਣਦੇ ਹਾਂ Laughter Therapy ਦਾ

What Are the Things Technology Cannot Do? - Sukh Parmar - Ranjodh Singh - Haanji Melbourne

In today’s episode of Tuesday Haanji Melbourne, hosted by Ranjodh Singh and Sukh Parmar, we explore a fascinating topic: What are the things technology cannot do? While technology is advancing at a rapid pace, we dive into the areas where it falls short—be it the depth of human emotion, the essence of creativity, or the power of spirituality.
This episode is brought to you by Radio Haanji, the #1 Indian Radio station in Australia, delivering the best of Indian Radio and Punjabi Radio. We also bring you a special segment featuring seven beautiful Punjabi shabads, along with their meanings, that will inspire and uplift your spirit.
If you’ve missed it, don’t worry—catch up now and tune in for a thought-provoking discussion, along with soulful reflections on the things technology can’t touch.

ਕਹਾਣੀ ਇੰਤਜ਼ਾਰ - Punjabi Kahani Intzaar - Ranjodh Singh - Radio Haanji

ਜ਼ਿੰਦਗੀ ਬੜੀ ਅਜੀਬ ਹੈ, ਕਈ ਵਾਰੀ ਅਸੀਂ ਜਿਸ ਕਿਸੇ ਚੀਜ਼ ਲਈ ਦਿਨ ਰਾਤ ਤੜਫਦੇ ਹਨ, ਉਸਨੂੰ ਹਾਸਿਲ ਕਰਨ ਲਈ ਲੱਖਾਂ ਦੁਆਵਾਂ ਕਰਦੇ ਹਾਂ, ਰੱਬ ਅੱਗੇ ਹਾੜੇ ਕੱਢਦੇ ਹਾਂ ਅਤੇ ਇੰਤਜ਼ਾਰ ਤੋਂ ਇਲਾਵਾ ਕੁੱਝ ਵੀ ਪੱਲੇ ਨਹੀਂ ਪੈਂਦਾ, ਤੇ ਫ਼ਿਰ ਜੇ ਕਿਤੇ ਉਹ ਚੀਜ ਹਾਸਿਲ ਹੋ ਜਾਵੇ ਤਾਂ ਫਿਰ ਜ਼ਿੰਦਗੀ ਅਜਿਹੇ ਮੋੜ ਮੁੜ ਜਾਂਦੀ ਹੈ ਕਿ ਹਾਸਿਲ ਹੋਣ ਤੋਂ ਬਾਅਦ ਵੀ ਇਨਸਾਨ ਖਾਲੀ ਰਹਿ ਜਾਂਦਾ ਹੈ ਅਤੇ ਇੱਕ ਵਾਰੀ ਫਿਰ ਤੋਂ ਇੰਤਜ਼ਾਰ ਮੱਥੇ ਦੇ ਲੇਖ ਬਣਕੇ ਹਮੇਸ਼ਾਂ ਲਈ ਸਾਡੇ ਹਿੱਸੇ ਆਉਂਦਾ ਹੈ, ਅੱਜ ਦੀ ਕਹਾਣੀ ਇੱਕ ਐਸੀ ਮਾਂ ਦੀ ਕਹਾਣੀ ਹੈ ਜੋ ਆਪਣੇ ਪੁੱਤ ਦੇ ਇੰਤਜ਼ਾਰ ਵਿੱਚ ਸਾਰੀ ਜ਼ਿੰਦਗੀ ਜਿਉਂਦੀ ਹੈ ਅਤੇ ਜਦੋਂ ਉਹ ਪੁੱਤ ਮਿਲਕੇ ਫਿਰ ਦੂਰ ਹੋ ਜਾਂਦਾ ਹੈ ਤਾਂ ਓਸੇ ਇੰਤਜ਼ਾਰ ਵਿੱਚ ਆਪਣੇ ਪ੍ਰਾਣ ਤਿਆਗ ਦੇਂਦੀ ਹੈ, ਆਸ ਕਰਦੇ ਹਾਂ ਕਹਾਣੀ ਤੁਹਾਨੂੰ ਜਰੂਰ ਪਸੰਦ ਆਵੇਗੀ...

Haanji Daily News, 26 Nov 2024 | Gautam Kapil | Radio Haanji

ਗੱਲ ਸ਼ੁਰੂ ਸਾਬਕਾ ਪ੍ਰੀਮੀਅਰ Daniel Andrews ਦੇ ਕਾਰਜਕਾਲ ਤੋਂ ਹੋਈ ਸੀ, Labor ਸਰਕਾਰ ਨੇ $100 ਬਿਲੀਅਨ ਡਾਲਰ ਖਰਚਣਾ ਸੀ। ਹੁਣ ਤੱਕ ਵਿਕਟੋਰੀਆ ਸਰਕਾਰ ਨੇ ਕੀ ਕੁਝ ਹਾਸਲ ਕੀਤਾ ਹੈ ਅਤੇ ਕਿੱਥੇ ਕਿੱਥੇ ਜੇਬ ਫੱਟਣ ਲੱਗੀ ਹੈ, ਇਸ ਬਾਰੇ ਅਖਬਾਰ ਹੈਰਲਡ ਸੰਨ ਨੇ ਇੱਕ ਰਿਪੋਰਟ ਪ੍ਰਕਾਸ਼ਤ ਕੀਤੀ ਹੈ।ਵਿਕਟੋਰੀਆ ਸਰਕਾਰ ਨੇ ਹੁਣ ਤੱਕ 47 ਵੱਡੇ ਸੜਕੀ ਪ੍ਰੋਜੈਕਟ ਮੁਕਮੰਲ ਕੀਤੇ ਹਨ, 75 ਨਵੇਂ ਸਕੂਲ ਖੋਲ੍ਹੇ ਹਨ,  84 level crossing ਹਟਾਈਆਂ ਹਨ। 
ਪਰ ਮੈਲਬੋਰਨ ਮੈਟਰੋ ਦੇ ਸ਼ੁਰੂਆਤੀ ਪ੍ਰੋਜੈਕਟ 'ਤੇ ਜਿਹੜਾ ਖਰਚ $10.9 ਬਿਲੀਅਨ ਡਾਲਰ ਸੀ, ਉਹ ਹੁਣ ਵੱਧ ਕੇ $15.6 ਬਿਲੀਅਨ ਡਾਲਰ ਹੋ ਚੁੱਕਾ ਹੈ। 
West Gate Tunnel ਨਿਰਮਾਣ $6.3 ਬਿਲੀਅਨ ਤੋਂ ਵਧਕੇ $10.2 ਬਿਲੀਅਨ ਡਾਲਰ ਜਾ ਚੁੱਕਾ ਹੈ ਅਤੇ ਮੁਕਮੰਲ ਹੋਣ ਦਾ ਸਮਾਂ ਵੀ 2022 ਦੀ ਬਜਾਏ 2025 ਤੱਕ ਚਲਾ ਗਿਆ ਹੈ।  Murray Basin ਰੇਲ ਪ੍ਰੋਜੈਕਟ ਹੁਣ $440 ਮਿਲੀਅਨ ਡਾਲਰ ਦੀ ਬਜਾਏ $807 ਮਿਲੀਅਨ ਡਾਲਰ ਦਾ ਬਣ ਚੁੱਕਾ ਹੈ।

26 Nov, 2024 Indian News Analysis with Pritam Singh Rupal

ਕੈਂਸਰ ਨਾਲ ਲੜਨ ਲਈ ਖੁਰਾਕ ਸਬੰਧੀ ਦਾਅਵੇ ’ਤੇ ਡਾਕਟਰਾਂ ਵੱਲੋਂ ਉਠੇ ਸਵਾਲਾਂ ਦੇ ਜਵਾਬ ਵਿੱਚ, ਕਾਂਗਰਸ ਆਗੂ ਨਵਜੋਤ ਸਿੱਧੂ ਨੇ ਸਪਸ਼ਟੀਕਰਨ ਦਿੱਤਾ ਕਿ ਇਹ ਖੁਰਾਕ ਯੋਜਨਾ ਡਾਕਟਰਾਂ ਦੀ ਸਲਾਹ 'ਤੇ ਲਾਗੂ ਕੀਤੀ ਗਈ ਸੀ ਅਤੇ ਇਸ ਨੂੰ ਇਲਾਜ ਵਿੱਚ ਮਦਦਗਾਰ ਮੰਨਿਆ ਜਾਣਾ ਚਾਹੀਦਾ ਹੈ। ਸਿੱਧੂ ਨੇ 21 ਨਵੰਬਰ ਨੂੰ ਕਿਹਾ ਸੀ ਕਿ ਉਨ੍ਹਾਂ ਦੀ ਪਤਨੀ ਨਵਜੋਤ ਕੌਰ ਸਿੱਧੂ ਨੇ ਸਟੇਜ 4 ਦੇ ਕੈਂਸਰ ਨਾਲ ਲੜਾਈ ਜਿੱਤੀ ਹੈ ਅਤੇ ਖੁਰਾਕ ਅਤੇ ਜੀਵਨਸ਼ੈਲੀ ਵਿੱਚ ਬਦਲਾਅ ਨੂੰ ਇਸ ਵਿੱਚ ਮਦਦਗਾਰ ਠਹਰਾਇਆ। 
ਇਸ ਮੁੱਦੇ ਤੇ ਟਾਟਾ ਮੈਮੋਰੀਅਲ ਹਸਪਤਾਲ ਦੇ ਕੈਂਸਰ ਮਾਹਿਰਾਂ ਨੇ ਚਿਤਾਵਨੀ ਦਿੱਤੀ ਕਿ ਕੈਂਸਰ ਪੀੜਤਾਂ ਨੂੰ ਗ਼ੈਰਪ੍ਰਮਾਣਿਤ ਇਲਾਜਾਂ ਤੋਂ ਬਚਨਾ ਚਾਹੀਦਾ ਹੈ। ਡਾ. ਸੀਐੱਸ ਪ੍ਰਮੇਸ਼ ਨੇ ਕਿਹਾ ਕਿ ਐਸੇ ਬਿਆਨ ਭਾਵੇਂ ਕੋਈ ਵੀ ਦੇਵੇ, ਉਨ੍ਹਾਂ ਨੂੰ ਵਿਸ਼ਵਾਸ ਨਹੀਂ ਕਰਨਾ ਚਾਹੀਦਾ, ਕਿਉਂਕਿ ਇਹ ਨੁਸਖੇ ਗ਼ੈਰ-ਵਿਗਿਆਨਕ ਅਤੇ ਆਧਾਰਹੀਣ ਹਨ। ਉਨ੍ਹਾਂ ਨੇ ਕਿਹਾ ਕਿ ਕੈਂਸਰ ਦਾ ਇਲਾਜ ਸਿਰਫ਼ ਕੀਮੋਥੈਰੇਪੀ ਅਤੇ ਸਰਜਰੀ ਨਾਲ ਹੀ ਕੀਤਾ ਜਾ ਸਕਦਾ ਹੈ, ਨਾ ਕਿ ਘਰੇਲੂ ਨੁਸਖਿਆਂ ਨਾਲ।

World News 26 Nov, 2024 | Ranjodh Singh | Radio Haanji

ਪਾਕਿਸਤਾਨ ਦੇ ਵੱਖ-ਵੱਖ ਹਿੱਸਿਆਂ, ਖਾਸ ਕਰਕੇ ਇਸਲਾਮਾਬਾਦ ਵਿੱਚ, ਇਮਰਾਨ ਖਾਨ ਦੇ ਹਮਾਇਤੀਆਂ ਅਤੇ ਪੁਲੀਸ ਦਰਮਿਆਨ ਹੋਈਆਂ ਝੜਪਾਂ ਵਿੱਚ ਇੱਕ ਪੁਲੀਸ ਮੁਲਾਜ਼ਮ ਦੀ ਮੌਤ ਹੋ ਗਈ ਅਤੇ 70 ਹੋਰ ਜ਼ਖ਼ਮੀ ਹੋ ਗਏ। ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ 24 ਨਵੰਬਰ ਨੂੰ ਮੁਜ਼ਾਹਰੇ ਕਰਨ ਦਾ ਸੱਦਾ ਦਿੱਤਾ ਸੀ ਅਤੇ ਸੰਵਿਧਾਨ ਦੀ 26ਵੀਂ ਸੋਧ ਦੀ ਨਿੰਦਾ ਕੀਤੀ ਸੀ। ਪੀਟੀਆਈ ਨੇ ਇਸਲਾਮਾਬਾਦ ਵਿੱਚ ਧਰਨਾ ਦੇਣ ਲਈ ਆਪਣੀਆਂ ਕੋਸ਼ਿਸ਼ਾਂ ਜਾਰੀ ਰੱਖੀਆਂ। ਪੁਲੀਸ ਵੱਲੋਂ ਖ਼ੁਦਕਸ਼ੀ ਗੈਸ ਦੇ ਗੋਲੇ ਫੈਂਕੇ ਗਏ। 
ਪੰਜਾਬ ਦੇ ਸੂਚਨਾ ਮੰਤਰੀ ਅਜ਼ਮਾ ਬੋਖਾਰੀ ਨੇ ਦੱਸਿਆ ਕਿ ਝੜਪ ਵਿੱਚ ਜ਼ਖ਼ਮੀ ਹੋਏ ਪੰਜ ਪੁਲੀਸ ਮੁਲਾਜ਼ਮਾਂ ਦੀ ਹਾਲਤ ਗੰਭੀਰ ਹੈ। ਪੀਟੀਆਈ ਨੇ ਦੱਸਿਆ ਕਿ 3500 ਤੋਂ ਵੱਧ ਵਰਕਰ ਅਤੇ ਆਗੂ ਗ੍ਰਿਫ਼ਤਾਰ ਹੋ ਚੁੱਕੇ ਹਨ। ਮਾਰਚ ਤਦ ਤੱਕ ਜਾਰੀ ਰਹੇਗਾ ਜਦ ਤੱਕ ਇਮਰਾਨ ਖਾਨ ਅਤੇ ਹੋਰ ਆਗੂਆਂ ਦੀ ਰਿਹਾਈ ਨਹੀਂ ਹੁੰਦੀ।

26 Nov 2024 Laughter Therapy | Sukh Parmar | Ranjodh Singh | Radio Haanji

ਅੱਜ ਦੀ ਤਣਾਅ ਭਰੀ ਜ਼ਿੰਦਗੀ ਵਿੱਚ ਅਸੀਂ ਹੱਸਣਾ ਹੀ ਭੁੱਲ ਗਏ ਹਾਂ, ਹਰ ਵੇਲੇ ਕੋਈ ਨਾ ਫ਼ਿਕਰ ਸਾਡੇ ਮੱਥੇ ਦੀ ਤਿਊੜੀ ਦੇ ਰੂਪ ਵਿੱਚ ਸਾਡੇ ਚਿਹਰੇ ਦਾ ਸ਼ਿੰਗਾਰ ਬਣੀ ਰਹਿੰਦੀ ਹੈ, ਪਰ ਵਿੱਚ ਅਸੀਂ ਇਹ ਵਾਅਦਾ ਕਰਦੇ ਹਾਂ ਕਿ ਨੰਨ੍ਹੇ-ਮੁੰਨੇ ਬੱਚਿਆਂ ਦੀਆਂ ਮਸੂਮ ਤੇ ਢਿੱਡੀਂ ਪੀੜਾਂ ਪਾਉਣ ਵਾਲੀਆਂ ਗੱਲਾਂ, ਚੁੱਟਕਲੇ, ਕਿੱਸੇ-ਕਹਾਣੀ, ਬੁਜਰਤਾਂ ਉੱਤੇ ਖੁੱਲ ਕੇ ਹੱਸਾਂਗੇ ਤੇ ਜੋ ਵੀ ਗੁੱਸੇ-ਗਿਲੇ, ਪ੍ਰੇਸ਼ਾਨੀਆਂ ਮਨ ਵਿੱਚ ਸਾਂਭੀ ਫਿਰਦੇ ਹਾਂ ਉਹਨਾਂ ਸਭ ਨੂੰ ਭੁੱਲ ਕੇ ਖੁਸ਼ੀ ਦਾ ਆਨੰਦ ਮਾਨਾਂਗੇ, ਇਸ ਸ਼ਾਨਦਾਰ ਸਫ਼ਰ ਵਿੱਚ ਗੁਰਪਾਲ ਵਾਲੀ ਮੰਨਤ, ਗੁਰਪਾਲ ਸਿੰਘ, ਫਤਹਿ ਵਾਲੀ ਮੰਨਤ, ਫਤਿਹ ਸਿੰਘ, ਮਨਰਾਜ ਐਸ ਔਜਲਾ, ਆਰਜ਼ਾ, ਜਸਮੀਨ ਕੌਰ, ਬਾਣੀ ਕੌਰ, ਅਸੀਸ ਕੌਰ, ਰੋਨੀਸ਼, ਬਸੰਤ ਲਾਲ, ਨਰਿੰਦਰ ਸਹਿਮੀ, ਰਮਨਪ੍ਰੀਤ ਜੱਸੋਵਾਲ, ਬੈਨੀਪਾਲ ਬ੍ਰਦਰਜ਼, ਸੇਹਿਬ ਸਨਵਾਰ, ਕਿਸਮਤ ਅਤੇ ਰੇਡੀਓ ਹਾਂਜੀ ਵੱਲੋਂ ਰਣਜੋਧ ਸਿੰਘ, ਨੋਨੀਆ ਪੀ ਦਿਆਲ, ਸੁੱਖ ਪਰਮਾਰ, ਜੈਸਮੀਨ ਕੌਰ ਸਾਥ ਦੇਣਗੇ ਅਤੇ ਤੁਹਾਨੂੰ ਲੈ ਜਾਣਗੇ ਖੁਸ਼ੀਆਂ ਅਤੇ ਹਾਸੇ ਦੀ ਇੱਕ ਵੱਖਰੀ ਦੁਨੀਆ ਵਿੱਚ, ਆਜੋ ਫਿਰ ਆਨੰਦ ਮਾਣਦੇ ਹਾਂ Laughter Therapy ਦਾ

ਕਹਾਣੀ ਜੀਵਨ ਸਾਥੀ - Punjabi Kahani Life Partner - Vishal Vijay Singh - Radio Haanji

ਜੀਵਨ ਸਾਥੀ ਸਿਰਫ਼ ਇੱਕ ਸੰਗੀ ਨਹੀਂ, ਬਲਕਿ ਜੀਵਨ ਦਾ ਮਜ਼ਬੂਤ ਸਹਾਰਾ ਹੁੰਦਾ ਹੈ। ਪਿਆਰ, ਪਰਵਾਹ ਤੇ ਮਰਿਆਦਾ ਨਾਲ ਬਣਿਆ ਇਹ ਰਿਸ਼ਤਾ ਦਿਲਾਂ ਨੂੰ ਜੋੜਦਾ ਹੈ ਜਿਸ ਆਸਰੇ ਸਾਡੀ ਸਾਰਿਆਂ ਦੀ ਜ਼ਿੰਦਗੀ ਸੋਹਣੀ ਅਤੇ ਮਜੇਦਾਰ ਲੰਘਦੀ ਹੈ। ਸਮਝਦਾਰੀ ਅਤੇ ਸਹਿਯੋਗ ਇਸ ਰਿਸ਼ਤੇ ਨੂੰ ਸੁੰਦਰ ਬਣਾਉਂਦੇ ਹਨ। ਜੀਵਨ ਦੇ ਹਰ ਉਤਾਰ-ਚੜ੍ਹਾਅ ਵਿੱਚ ਸਾਥੀ ਦੀ ਮੌਜੂਦਗੀ ਸੱਚਾ ਸਹਾਰਾ ਦਿੰਦੀ ਹੈ। ਜਦੋਂ ਸਾਡਾ ਜੀਵਨ ਸਾਥੀ ਨਾਲ ਹੁੰਦਾ ਹੈ ਤਾਂ ਅਸੀਂ ਬਹੁਤ ਵਾਲੀ ਇਹ ਅਹਿਸਾਸ ਨਹੀਂ ਕਰਦੇ ਕਿ ਇਹ ਸਾਡੇ ਲਈ ਕਿੰਨ੍ਹਾ ਕੀਮਤੀ ਹੈ ਅਤੇ ਅਸੀਂ ਹਰ ਨਿੱਕੀ-ਮੋਟੀ ਗੱਲ ਉੱਤੇ ਉਸਨਾਲ ਲੜਦੇ ਹਨ, ਉਸਨੂੰ ਬੋਲਦੇ ਹਾਂ ਪਰ ਜਦੋਂ ਸਾਡਾ ਜੀਵਨਸਾਥੀ ਸਾਨੂੰ ਛੱਡ ਕੇ ਚਲਾ ਜਾਂਦਾ ਹੈ ਤਾਂ ਇਹ ਅਹਿਸਾਸ ਹੁੰਦਾ ਹੈ ਕਿ ਅਸੀਂ ਕੀ ਗਵਾ ਲਿਆ, ਕਿੰਨ੍ਹਾ ਵੱਡਾ ਘਾਟਾ ਸਾਡੀ ਜ਼ਿੰਦਗੀ ਵਿੱਚ ਪੈ ਗਿਆ, ਇਸ ਲਈ ਕੋਸ਼ਿਸ਼ ਇਹੋ ਕਰਨੀ ਚਾਹੀਦੀ ਹੈ ਕਿ ਜਿਉਂਦੇ ਜੀਅ ਇੱਕ ਦੂਜੇ ਨੂੰ ਸਮਝੀਏ, ਪਿਆਰ ਕਰੀਏ ਅਤੇ ਸੋਹਣਾ ਸਮਾਂ ਬਤੀਤ ਕਰੀਏ ਤਾਂ ਕਿ ਬਾਅਦ ਵਿੱਚ ਪਛਤਾਵੇ ਦੇ ਰੂਪ ਵਿੱਚ ਸਾਰੀ ਜ਼ਿੰਦਗੀ ਸਜ਼ਾ ਨਾ ਭੋਗਣੀ ਪਵੇ, ਅੱਜ ਦੀ ਨਿੱਕੀ ਜਿਹੀ ਕਹਾਣੀ ਬੜੇ ਖੂਬਸੂਰਤ ਤਰੀਕੇ ਨਾਲ ਇਸ ਰਿਸ਼ਤੇ ਦੀ ਮਹਤੱਤਾ ਬਿਆਨ ਕਰਦੀ ਹੈ