Radio Haanji Podcast

Join Radio Haanji hosts Vishalvijay Singh and Preetinder Grewal as we explore the decline of reading habits in the Punjabi community and why it’s crucial to revive this timeless tradition. From preserving our culture and language to fostering creativity and intellectual growth, we discuss practical ways to reconnect with books and inspire the next generation. Let’s turn the page and rediscover the power of literature together!

ਮਾਂ-ਬਾਪ, ਬੇਬੇ-ਬਾਪੂ, ਮੰਮੀ-ਡੈਡੀ ਜੋ ਮਰਜ਼ੀ ਕਹਿ ਕੇ ਬੁਲਾ ਲਵੋ, ਪਰ ਇਹਨਾਂ ਦੇ ਮਾਇਨੇ, ਸੁਭਾਅ, ਅਹਿਸਾਸ ਪੂਰੀ ਦੁਨੀਆ ਵਿੱਚ ਇੱਕੋ ਜਿਹੇ ਹਨ, ਸਾਰਿਆਂ ਲਈ ਸਭ ਤੋਂ ਜਰੂਰੀ ਚੀਜ਼ ਆਪਣੀ ਔਲਾਦ ਦੀ ਖੁਸ਼ੀ ਹੈ ਅਤੇ ਮਾਪੇ ਆਪਣੀ ਔਲਾਦ ਦੀ ਖੁਸ਼ੀ ਲਈ ਕਿਸੇ ਵੀ ਤਰਾਂ ਦੇ ਦੁੱਖ ਜਰ ਜਾਂਦੇ ਹਨ, ਜਿੰਨ੍ਹੇ ਜੋਗੇ ਹੁੰਦੇ ਹਨ ਉਸਤੋਂ ਹਮੇਸ਼ਾ ਵਧਕੇ ਕਰਦੇ ਹਨ ਤਾਂ ਕਿ ਉਹਨਾਂ ਦੇ ਬੱਚਿਆਂ ਨੂੰ ਕੋਈ ਕਮੀ ਜਾਂ ਮੁਸ਼ਕਿਲ ਨਾ ਆਵੇ, ਪਰ ਕਈ ਵਾਰੀ ਅਸੀਂ ਆਪਣੇ ਮਾਪਿਆਂ ਦੇ ਕੀਤੇ ਉੱਦਮ, ਮਿਹਨਤ ਅਤੇ ਤਿਆਗ ਨੂੰ ਅਣਗੌਲਿਆਂ ਕਰ ਦੇਂਦੇ ਹਾਂ, ਸਾਨੂੰ ਜਾਪਦਾ ਹੈ ਕਿ ਇਹ ਤਾਂ ਸਾਡਾ ਹਕ਼ ਹੈ, ਸਾਡੇ ਮਾਪੇ ਜੋ ਸਾਡੇ ਲਈ ਕਰ ਰਹੇ ਹਨ ਉਹ ਤਾਂ ਹਰ ਕੋਈ ਕਰਦਾ ਹੈ ਅਤੇ ਅਸੀਂ ਉਹਨਾਂ ਨੂੰ ਬਹੁਤ ਹਲਕੇ ਵਿੱਚ ਲੈ ਜਾਂਦੇ ਹਾਂ, ਪਰ ਜੇਕਰ ਥੋੜ੍ਹਾ ਜਿਹਾ ਵੀ ਇਮਾਨਦਾਰੀ ਨਾਲ ਸੋਚਿਆ ਜਾਵੇ ਤਾਂ ਸਾਨੂੰ ਸਾਰੀ ਸਮਝ ਆ ਜਾਵੇਗੀ ਕਿ ਉਹ ਸਾਡੇ ਲਈ ਕੀ ਕੁੱਝ ਕਰਦੇ ਹਨ ਤੇ ਕਿਵੇਂ ਕਰਦੇ ਹਨ, ਅੱਜ ਦੀ ਕਹਾਣੀ ਵੀ ਕੁੱਝ ਇਸ ਤਰਾਂ ਦਾ ਹੀ ਸੁਨੇਹਾ ਸਾਨੂੰ ਸਾਰਿਆਂ ਨੂੰ ਦੇਂਦੀ ਹੈ, ਆਸ ਕਰਦੇ ਹਾਂ ਤੁਹਾਨੂੰ ਜਰੂਰ ਪਸੰਦ ਆਊਗੀ...

ਪੰਜਾਬ ’ਚ ਜ਼ਿਮਨੀ ਚੋਣਾਂ ਵਾਲੇ ਚਾਰ ਵਿਧਾਨ ਸਭਾ ਹਲਕਿਆਂ ’ਚ ਅੱਜ ਵੋਟਾਂ ਪੈਣ ਦਾ ਅਮਲ ਸ਼ਾਂਤੀ ਪੂਰਵਕ ਨੇਪਰੇ ਚੜ੍ਹ ਗਿਆ। ਸ਼ਾਮ ਦੇ ਛੇ ਵਜੇ ਤੱਕ ਚਾਰ ਸੀਟਾਂ ’ਤੇ 63 ਫ਼ੀਸਦੀ ਪੋਲਿੰਗ ਦਰਜ ਕੀਤੀ ਗਈ। ਗਿੱਦੜਬਾਹਾ ਹਲਕੇ ਵਿੱਚ ਸਭ ਤੋਂ ਵੱਧ 81 ਫ਼ੀਸਦੀ ਵੋਟਾਂ ਪਈਆਂ ਹਨ। ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਪਈਆਂ ਵੋਟਾਂ ਦੌਰਾਨ ਕੋਈ ਅਣਸੁਖਾਵੀਂ ਘਟਨਾ ਨਹੀਂ ਵਾਪਰੀ ਪਰ ਹਲਕਾ ਡੇਰਾ ਬਾਬਾ ਨਾਨਕ ਵਿਚ ਆਗੂਆਂ ਵਿਚਾਲੇ ਬਹਿਸਬਾਜ਼ੀ ਹੋਈ ਹੈ। ਵੋਟਾਂ ਦੀ ਗਿਣਤੀ 23 ਨਵੰਬਰ ਨੂੰ ਹੋਵੇਗੀ। ਵੋਟਾਂ ਦਾ ਅਮਲ ਮੁਕੰਮਲ ਹੋਣ ਨਾਲ 45 ਉਮੀਦਵਾਰਾਂ ਦੀ ਕਿਸਮਤ ਈਵੀਐੱਮਜ਼ ’ਚ ਬੰਦ ਹੋ ਗਈ ਹੈ। ਹਲਕਾ ਡੇਰਾ ਬਾਬਾ ਨਾਨਕ ਵਿਚ ਸ਼ਾਮ ਛੇ ਵਜੇ ਤੱਕ 63 ਫ਼ੀਸਦੀ, ਬਰਨਾਲਾ ਹਲਕੇ ’ਚ 54 ਅਤੇ ਚੱਬੇਵਾਲ ਹਲਕੇ ਵਿਚ 53 ਫ਼ੀਸਦੀ ਵੋਟਾਂ ਪਈਆਂ।

ਆਸਟ੍ਰੇਲੀਆ ਦੀ ਫੈਡਰਲ ਸਰਕਾਰ ਨੇ ਇੱਕ ਐਸਾ ਫ਼ੈਸਲਾ ਲਿਆ ਹੈ, ਜਿਸ ਨਾਲ ਸਿਆਸੀ ਪੱਧਰ 'ਤੇ Anthony Albanese ਵਜ਼ਾਰਤ ਵੱਲ ਕਈ ਉਂਗਲਾਂ ਉਠਣਗੀਆਂ। 
ਸਰਕਾਰ ਨੇ Future Fund ਰਾਹੀਂ ਦੇਸ਼ ਵਿੱਚ ਘਰਾਂ ਦੀ ਕਿੱਲਤ ਨੂੰ ਦੂਰ ਕਰਨ ਅਤੇ green energy ਖੇਤਰਾਂ ਵਿੱਚ ਨਿਵੇਸ਼ ਕਰਨ ਦਾ ਮਨ ਬਣਾਇਆ ਹੈ।
 ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ Future Fund ਇੱਕ ਪਬਲਿਕ wealth fund ਹੈ, ਜੋ ਕਿ ਆਸਟ੍ਰੇਲੀਆ ਦੀ ਕੁੱਲ ਆਰਥਿਕਤਾ ਦਾ ਤੀਸਰਾ ਹਿੱਸਾ ਹੈ। 
ਹਾਲਾਂਕਿ ਸਰਕਾਰ ਨੇ ਕਿਹਾ ਹੈ ਕਿ ਉਹ ਇਸ ਵਿੱਚੋਂ ਘੱਟੋ ਘੱਟ 2032-33 ਤੱਕ ਪੈਸਾ ਨਹੀਂ ਕੱਢਣਗੇ। 
Future Fund ਨੂੰ ਲਿਬਰਲ ਪਾਰਟੀ ਦੇ ਸਾਬਕਾ treasurer Peter Costello ਨੇ ਸ਼ੁਰੂ ਕੀਤਾ ਸੀ, ਉਦੋਂ ਇਸ ਵਿੱਚ $60 ਬਿਲੀਅਨ ਡਾਲਰ ਰੱਖੇ ਗਏ ਸਨ। ਇਸ ਫੰਡ ਰਾਹੀਂ ਸਰਕਾਰ ਜਨਤਕ ਖੇਤਰਾਂ ਵਿੱਚ invest ਕਰਦੀ ਹੈ ਅਤੇ ਕਮਾਈ ਦੀ ਰਕਮ ਜਮ੍ਹਾ ਹੋਈ ਜਾ ਰਹੀ ਹੈ। ਜਿਸ ਨੂੰ ਦੇਸ਼ ਵਿੱਚ ਐਮਰਜੈਂਸੀ ਜਿਹੇ, ਔਖੇ ਘਰੇਲੂ ਜਾਂ ਬਾਹਰੀ ਸੰਕਟ ਵੇਲੇ ਇਸਤੇਮਾਲ ਕਰਨ ਲਈ ਬਚਾਇਆ ਜਾ ਰਿਹਾ ਹੈ। 
ਮੌਜੂਦਾ ਸਮੇਂ ਵਿੱਚ ਇਸ ਫੰਡ ਅੰਦਰ $230 ਬਿਲੀਅਨ ਡਾਲਰ ਹੋ ਚੁੱਕੇ ਹਨ, ਜੋ ਕਿ ਦੇਸ਼ ਦੀ ਆਰਥਿਕਤਾ ਦਾ ਤੀਸਰਾ ਹਿੱਸਾ ਬਣਦਾ ਹੈ। 
ਅਜਿਹੇ ਵਿੱਚ Labor ਸਰਕਾਰ ਦੇ ਇਸ ਫ਼ੈਸਲੇ ਨਾਲ ਆਉਂਦੇ ਦਿਨਾਂ ਵਿੱਚ ਚੰਗੀ ਸਿਆਸਤ ਭਖੇਗੀ। 

ਕੌਮਾਂਤਰੀ ਪ੍ਰਮਾਣੂ ਊਰਜਾ ਏਜੰਸੀ (ਆਈਆਈਏ) ਦੀ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ 26 ਅਕਤੂਬਰ ਤੱਕ ਇਰਾਨ ਕੋਲ 60 ਫੀਸਦ ਤੱਕ ਸ਼ੁੱਧ 182.3 ਕਿਲੋਗ੍ਰਾਮ ਯੂਰੇਨੀਅਮ ਹੈ ਜੋ ਅਗਸਤ ਦੀ ਆਖਰੀ ਰਿਪੋਰਟ ਨਾਲੋਂ 17.6 ਕਿਲੋ ਵੱਧ ਹੈ। 60 ਫੀਸਦ ਸ਼ੁੱਧ ਯੂਰੇਨੀਅਮ ਹਥਿਆਰ ਪੱਧਰ ਦੇ 90 ਫੀਸਦ ਸ਼ੁੱਧਤਾ ਵਾਲੇ ਯੂਰੇਨੀਅਮ ਤੋਂ ਤਕਨੀਕੀ ਤੌਰ ’ਤੇ ਕੁਝ ਹੀ ਕਦਮ ਦੂਰ ਹੈ। ਆਈਆਈਏ ਨੇ ਆਪਣੀ ਤਿਮਾਹੀ ਰਿਪੋਰਟ ’ਚ ਇਹ ਵੀ ਅਨੁਮਾਨ ਲਾਇਆ ਹੈ ਕਿ 26 ਅਕਤੂਬਰ ਤੱਕ ਇਰਾਨ ਕੋਲ ਕੁੱਲ 6,604.4 ਕਿਲੋ ਯੂਰੇਨੀਅਮ ਦਾ ਭੰਡਾਰ ਸੀ ਜੋ ਅਗਸਤ ਦੇ 852.6 ਕਿਲੋ ਭੰਡਾਰ ਤੋਂ ਵੱਧ ਹੈ। ਆਈਆਈਏ ਦੀ ਪਰਿਭਾਸ਼ਾ ਅਨੁਸਾਰ 60 ਫੀਸਦ ਸ਼ੁੱਧਤਾ ਤੱਕ ਯੂਰੇਨੀਅਮ ਦੀ ਮਾਤਰਾ ਤਕਰੀਬਨ 42 ਕਿਲੋ ਹੈ ਜਿਸ ’ਤੇ ਜੇ ਸਮੱਗਰੀ ਨੂੰ ਹੋਰ 90 ਫੀਸਦ ਤੱਕ ਵਧਾ ਦਿੱਤਾ ਜਾਵੇ ਤਾਂ ਸਿੱਧਾਂਤਕ ਤੌਰ ’ਤੇ ਇਕ ਪ੍ਰਮਾਣੂ ਹਥਿਆਰ ਬਣਾਉਣਾ ਸੰਭਵ ਹੈ।

ਅੱਜ ਦੀ ਤਣਾਅ ਭਰੀ ਜ਼ਿੰਦਗੀ ਵਿੱਚ ਅਸੀਂ ਹੱਸਣਾ ਹੀ ਭੁੱਲ ਗਏ ਹਾਂ, ਹਰ ਵੇਲੇ ਕੋਈ ਨਾ ਫ਼ਿਕਰ ਸਾਡੇ ਮੱਥੇ ਦੀ ਤਿਊੜੀ ਦੇ ਰੂਪ ਵਿੱਚ ਸਾਡੇ ਚਿਹਰੇ ਦਾ ਸ਼ਿੰਗਾਰ ਬਣੀ ਰਹਿੰਦੀ ਹੈ, ਪਰ ਵਿੱਚ ਅਸੀਂ ਇਹ ਵਾਅਦਾ ਕਰਦੇ ਹਾਂ ਕਿ ਨੰਨ੍ਹੇ-ਮੁੰਨੇ ਬੱਚਿਆਂ ਦੀਆਂ ਮਸੂਮ ਤੇ ਢਿੱਡੀਂ ਪੀੜਾਂ ਪਾਉਣ ਵਾਲੀਆਂ ਗੱਲਾਂ, ਚੁੱਟਕਲੇ, ਕਿੱਸੇ-ਕਹਾਣੀ, ਬੁਜਰਤਾਂ ਉੱਤੇ ਖੁੱਲ ਕੇ ਹੱਸਾਂਗੇ ਤੇ ਜੋ ਵੀ ਗੁੱਸੇ-ਗਿਲੇ, ਪ੍ਰੇਸ਼ਾਨੀਆਂ ਮਨ ਵਿੱਚ ਸਾਂਭੀ ਫਿਰਦੇ ਹਾਂ ਉਹਨਾਂ ਸਭ ਨੂੰ ਭੁੱਲ ਕੇ ਖੁਸ਼ੀ ਦਾ ਆਨੰਦ ਮਾਨਾਂਗੇ, ਇਸ ਸ਼ਾਨਦਾਰ ਸਫ਼ਰ ਵਿੱਚ ਗੁਰਪਾਲ ਵਾਲੀ ਮੰਨਤ, ਗੁਰਪਾਲ ਸਿੰਘ, ਫਤਹਿ ਵਾਲੀ ਮੰਨਤ, ਫਤਿਹ ਸਿੰਘ, ਮਨਰਾਜ ਐਸ ਔਜਲਾ, ਆਰਜ਼ਾ, ਜਸਮੀਨ ਕੌਰ, ਬਾਣੀ ਕੌਰ, ਅਸੀਸ ਕੌਰ, ਰੋਨੀਸ਼, ਬਸੰਤ ਲਾਲ, ਨਰਿੰਦਰ ਸਹਿਮੀ, ਰਮਨਪ੍ਰੀਤ ਜੱਸੋਵਾਲ, ਬੈਨੀਪਾਲ ਬ੍ਰਦਰਜ਼, ਸੇਹਿਬ ਸਨਵਾਰ, ਕਿਸਮਤ ਅਤੇ ਰੇਡੀਓ ਹਾਂਜੀ ਵੱਲੋਂ ਰਣਜੋਧ ਸਿੰਘ, ਨੋਨੀਆ ਪੀ ਦਿਆਲ, ਸੁੱਖ ਪਰਮਾਰ, ਜੈਸਮੀਨ ਕੌਰ ਸਾਥ ਦੇਣਗੇ ਅਤੇ ਤੁਹਾਨੂੰ ਲੈ ਜਾਣਗੇ ਖੁਸ਼ੀਆਂ ਅਤੇ ਹਾਸੇ ਦੀ ਇੱਕ ਵੱਖਰੀ ਦੁਨੀਆ ਵਿੱਚ, ਆਜੋ ਫਿਰ ਆਨੰਦ ਮਾਣਦੇ ਹਾਂ Laughter Therapy ਦਾ

In this weekly episode of Haanji Radio, hosts Ranjodh Singh and Preetinder Grewal delve into the widespread fear of public speaking, fueled by concerns about judgment, failure, and self-doubt. This fear often manifests through physical symptoms like trembling and mental blocks. The hosts share effective strategies to overcome this anxiety, emphasizing the importance of thorough preparation, consistent practice, and relaxation techniques. With dedication and effort, public speaking can evolve from an intimidating challenge into a powerful tool for self-expression and meaningful connection.

Dr. Sandeep Bhagat explained several ways to manage hay fever, including avoiding triggers, using medications like antihistamines and nasal sprays, and considering allergen immunotherapy for severe cases. He also shared lifestyle tips, such as staying indoors on high pollen days and keeping windows closed. For more details on managing hay fever, listen to the full podcast.

ਇਹ ਹਲਕੇ ਹਨ ਬਰਨਾਲਾ, ਗਿੱਦੜਬਾਹਾ, ਡੇਰਾ ਬਾਬਾ ਨਾਨਕ ਅਤੇ ਚੱਬੇਵਾਲ। 831 ਪੋਲਿੰਗ ਸਟੇਸ਼ਨ ਤੇ ਵੋਟਾਂ ਪੈਣ ਦਾ ਅਮਲ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਹੋਵੇਗਾ। ਚੋਣਾਂ ਲਈ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ, ਜਿਸ ਵਿੱਚ 6481 ਪੰਜਾਬ ਪੁਲੀਸ ਅਧਿਕਾਰੀ ਅਤੇ 17 ਨੀਮ ਫੌਜੀ ਬਲਾਂ ਦੀਆਂ ਕੰਪਨੀਆਂ ਸ਼ਾਮਲ ਹਨ।
ਚਾਰਾਂ ਹਲਕਿਆਂ ਵਿੱਚ 45 ਉਮੀਦਵਾਰ ਮੈਦਾਨ ਵਿੱਚ ਹਨ, ਅਤੇ 6,96,965 ਵੋਟਰ ਆਪਣਾ ਵੋਟ ਦਾ ਹੱਕ ਵਰਤਣਗੇ। ਚੋਣ ਕਮਿਸ਼ਨ ਨੇ ਉੱਡਣ ਦਸਤੇ ਮੁਸਤੈਦ ਕਰ ਦਿੱਤੇ ਹਨ ਅਤੇ ਨਿਗਰਾਨੀ ਵਧਾ ਦਿੱਤੀ ਹੈ। ਇਸ ਦੌਰਾਨ, ਕੁਝ ਹਲਕਿਆਂ ਵਿੱਚ ਚੋਣ ਪ੍ਰਚਾਰ ਨੂੰ ਲੈ ਕੇ ਵਿਆਪਕ ਚਰਚਾ ਹੋਈ ਹੈ, ਜਿਵੇਂ ਕਿ ਗਿੱਦੜਬਾਹਾ ਅਤੇ ਡੇਰਾ ਬਾਬਾ ਨਾਨਕ ਹਲਕਿਆਂ ਵਿੱਚ ਖ਼ਰੀਦ-ਫ਼ਰੋਖ਼ਤ ਅਤੇ ਨਸ਼ਾ ਵੰਡਣ ਦੀਆਂ ਖਬਰਾਂ ਹਨ।

ਚੀਨ ਦੇ ਰਾਸ਼ਟਰਪਤੀ ਜ਼ੀ ਜਿਨਪਿੰਗ ਨੇ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ Anthony Albanese ਨੂੰ G20 summit ਦੌਰਾਨ ਵਾਅਦਾ ਕੀਤਾ ਕਿ ਦੋਹਾਂ ਦੇਸ਼ਾਂ ਦੇ ਸੰਬੰਧ ਬਣੇ ਰਹਿਣੇ ਚਾਹੀਦੇ ਹਨ। ਬਰਾਜ਼ੀਲ ਵਿੱਚ ਮੁਕਮੰਲ ਹੋਏ G20 ਦੇ ਆਖਰੀ ਦਿਨ ਦੋਹਾਂ ਨੇਤਾਵਾਂ ਦਰਮਿਆਨ ਗੱਲਬਾਤ ਹੋਈ। ਅਮਰੀਕਾ ਵਿੱਚ ਨਵੇਂ ਚੁਣੇ ਗਏ ਰਾਸ਼ਟਰਪਤੀ Donald Trump ਦੇ ਆਉਣ ਨਾਲ ਚੀਨ ਨੂੰ ਖਤਰਾ ਪੈਦਾ ਹੋ ਗਿਆ ਹੈ। ਅਸਲ ਵਿੱਚ Trump ਕਈ ਮੌਕਿਆਂ 'ਤੇ ਇਹ ਕਹਿ ਚੁੱਕੇ ਹਨ ਕਿ ਅਮਰੀਕਾ ਨੂੰ ਚੀਨੀ ਉਤਪਾਦਾਂ 'ਤੇ tariff ਵਧਾ ਦੇਣਾ ਚਾਹੀਦਾ ਹੈ। ਅਜਿਹੇ ਵਿੱਚ ਦੁਵੱਲੇ ਵਪਾਰ ਲਈ ਚੀਨ ਹੁਣ ਆਸਟ੍ਰੇਲੀਆ ਨਾਲ ਵੀ ਸਬੰਧ ਬਿਹਤਰ ਰੱਖਣਾ ਚਾਹੇਗਾ।